Gateshead 2–1 Wrecsam
Mae rhediad gwael Wrecsam yn parhau wedi iddynt golli oddi cartref yn erbyn Gateshead yn y Gynghrair Genedlaethol nos Fawrth.
Yn dilyn dechrau da i’r tymor mae’r Dreigiau bellach heb ennill mewn tair ac yn dechrau llithro i lawr y tabl.
Rhoddodd cic rydd Josh Gillies y tîm cartref ar y blaen wedi dim ond 17 munud yn Stadiwm Rhyngwladol Gateshead.
Roedd Wrecsam yn gyfartal wedi llai na hanner awr diolch i gic rydd daclus arall, gan Sean Newton y tro hwn.
Gateshead aeth â hi serch hynny diolch i gôl fuddugol Ryan Bowman yn yr ail hanner, peniad da yn ôl ar draws ceg y gôl o’r postyn pellaf.
Mae’r canlyniad yn codi Gateshead dros Wrecsam yn y tabl wrth i’r Dreigiau lithro i’r pumed safle.
.
Gateshead
Tîm: Russell, Baxter, Buddle, Ramsden, Pattison, Clark, Gillies, Chandler, Phillips, Bowman, Shaw (Marwood 46′)
Goliau: Gillies 17’, Bowman 58’
.
Wrecsam
Tîm: Belford, Smith, Hudson, Jennings, Newton, Fyfield, Evans (Fowler 67′), Moke, York (Logan 72′) Gray (Smith 59′) Vose
Gôl: Newton 29’
Cerdyn Melyn: Belford 17’
.
Torf: 1,113
