Charlton 1–1 Caerdydd
Gêm gyfartal gafodd Caerdydd yn erbyn Charlton brynhawn Gwener er i’r tîm cartref chwarae bron i awr gyda deg dyn ar y Valley.
Aeth Caerdydd ar y blaen diolch i gôl hanner cyntaf Tom Adeyemi ond cipiodd Charlton bwynt diolch i gôl hwyr Johann Berg Gudmunsson.
Ychydig dros chwarter awr oedd wedi mynd pan beniodd Adeyemi yr ymwelwyr ar y blaen o dafliad hir Aron Gunnarsson.
Rhoddwyd hwb arall i obeithion y Cymry chwarter awr yn ddiweddarach pan welodd Callum Harriott gerdyn coch am dacl flêr ar Craig Noone.
Llwyddodd deg dyn y tîm cartref serch hynny i reoli’r meddiant wedi’r egwyl wrth i drafferthion Caerdydd ar y ffordd barhau.
A cafodd Charlton bwynt haeddianol ddau funud o’r diwedd pan rwydodd Berg Gudmunsson mewn steil o bum llath ar hugain.
Ma’r canlyniad yn cadw Caerdydd yn y degfed safle yn nhabl y Bencampwriaeth.
.
Charlton
Tîm: Etheridge, Solly, Ben Haim, Bikey Amougou, Gomez (Onyewu 59′), Berg Gudmundsson, Buyens, Jackson (Vetokele 59′), Harriott, Cousins, Tucudean
Gôl: Berg Gudmundsson 88’
Cerdyn Melyn: Solly 70’
Cerdyn Coch: Harriott 33’
.
Caerdydd
Tîm: Marshall, Brayford, Morrison, Turner, John, Gunnarsson, Adeyemi (Ralls 89′), Whittingham, Noone, Le Fondre (Harris 69′), Jones
Gôl: Adeyemi 17’
Cerdyn Melyn: Morrison 64’
.
Torf: 17,543
