Gêm Gyfartal yn Goodison

Everton 0–0 Abertawe

Cafodd Abertawe gêm gyfartal yn erbyn Everton ar Barc Goodison brynhawn Sadwrn er iddynt orffen y gêm gyda deg dyn yn dilyn cerdyn coch Jonjo Shelvey.

Everton a gafodd y gorau o’r meddiant trwy gydol y gêm ond ychydig iawn o gyfleoedd da a gafodd y tîm cartref. Daeth y ddau orau i’r blaenwr, Romelu Lukaku, yn yr ail hanner, ond methodd y gŵr o Wlad Belg ar y ddau achlysur.

Roedd Jonjo Shelvey yng nghanol popeth i’r ymwelwyr o Gymru ac roedd yn teimlo’i fod yn haeddu cic o’r smotyn pan darodd ei ergyd yn erbyn llaw Antolin Alcaraz yn y cwrt cosbi.

Ac aeth lwc y chwaraewr canol cae gyda’r dyfarnwr o ddrwg i waeth ugain munud o’r diwedd pan dderbyniodd ail gerdyn melyn am atal James McCarthy, a chael ei anfon o’r cae.

Daliodd yr Elyrch eu gafael ar y pwynt serch hynny, gan aros yn chweched yn nhabl yr Uwch Gynghrair.

.

Everton

Tîm: Howard, Coleman, Alcaraz (Besic 32′), Jagielka, Baines, McCarthy, Barry, McGeady (Lukaku 68′), Naismith (Pienaar 68′), Barkley, Eto’o

Melyn: Barry 38’, Besic 90’

.

Abertawe

Tîm: Fabianski, Rangel, Fernández, Williams, Taylor, Shelvey, Ki Sung-yueng, Routledge, Sigurdsson (Carroll 76′), Montero (Dyer 79′), Bony (Gomis 61′)

Cardiau Melyn: Shelvey 24’, 72’, Bony 33’, Williams 54’, Sigurdson 66’

Cerdyn Coch: Shelvey 72’

.

Torf: 39,149