Federico Fernandez
Mae Abertawe wedi apelio yn erbyn y cerdyn coch a gafodd ei dangos i’r amddiffynnwr canol Federico Fernandez neithiwr.
Cafodd Fernandez ei anfon o’r cae yn Anfield neithiwr am dacl flêr ar Phillipe Coutinho, ac mae’n wynebu gwaharddiad o dair gêm os na lwyddith yr apêl.
Collodd yr Elyrch o 2-1 yn y gêm Cwpan Capital One.
Roedd gan Abertawe tan un o’r gloch amser cinio heddiw i apelio wrth Gymdeithas Bêl-droed Lloegr.
Mae disgwyl penderfyniad erbyn gêm Abertawe yn erbyn Everton ddydd Sadwrn.
Aeth Abertawe ar y blaen neithiwr yn sgil gôl Marvin Emnes, ond daeth Lerpwl yn gyfartal wrth i Mario Balotelli rwydo.
Aeth Lerpwl ar y blaen yn dilyn cerdyn coch Fernandez trwy beniad gan Dejan Lovren, a cholli fu hanes yr Elyrch.
