Wrecsam 2–1 Welling
Rhwydodd Wrecsam ddwywaith yn y deg munud olaf wrth drechu Welling ar y Cae Ras yn eu gêm yn y Gyngres brynhawn Sadwrn.
Roedd y Dreigiau ar ei hôl hi o gôl i ddim am ran helaeth o’r gêm ond fe gipiodd y Cymry’r pwyntiau yn y diwedd diolch i goliau hwyr Louis Moult a Joe Clarke.
Aeth Welling ar y blaen wedi ychydig dros hanner awr o chwarae pan fanteisiodd Tobi Sho-Silva ar gamgymeriad Neil Ashton i greu gôl i Harry Beautyman.
Felly yr arhosodd pethau tan hanner amser ond newidiodd y gêm ar yr awr pan welodd John Nouble ail gerdyn melyn a cherdyn coch i Welling.
Chwe munud o’r naw deg oedd ar ôl pan groesodd Wes York i Moult unioni’r sgôr, ac roedd y tri phwynt yn ddiogel ddau funud yn ddiweddarach pan wyrodd ergyd Clarke i gefn y rhwyd.
Mae’r canlyniad yn codi Wrecsam i’r seithfed safle yn nhabl y Gyngres.
.
Wrecsam
Tîm: Bachmann, Hudson (Bailey-Jones 71′), White, Ashton, Smith, Hunt (Durrell 38′), Clarke, Harris, York, Jennings (Bishop 77′), Moult
Goliau: Moult 84’, Clarke 86’
.
Welling
Tîm: Henly, Fagan (Bassele 78′), Williams, Jefford, Fyfield, Bush, Beautyman (Hudson 80′), Gallagher, Nouble, Sho-Silva, Marsh (Healy 62′)
Gôl: Beautyman 33’
Cardiau Melyn: Nouble 10’, 60’, Williams 42’, Sho-Silva 57’, Gallagher 70’, Henly 85’
Cerdyn Coch: Nouble 60’
.
Torf: 2,857
