Mae Wrecsam wedi codi i seithfed yn y Gyngres ar ôl buddugoliaeth o 1-0 i ffwrdd o gartref yn erbyn Forest Green.
Cipiodd y Dreigiau’r pwyntiau i gyd ar ôl i’r ymosodwr Louis Moult rwydo cic rydd wych o 25 llathen ar ôl 54 munud, ei bedwerydd gôl mewn pum gêm.
Fe welodd Lee Hughes o Forest Green gerdyn coch yn hwyr yn y gêm am drosedd ar olwr Wrecsam Daniel Bachmann, oedd wedi cael gêm dda.
Mae’n golygu bod Wrecsam yn parhau â’u rhediad da sydd wedi’u gweld nhw’n ennill eu tair gêm ddiwethaf.
