Shaun MacDonald yn ei ddyddiau gyda'r Elyrch
Bydd Abertawe yn wynebu cyn-chwaraewr wnaeth ddechrau chwarae i’r clwb yn fachgen chwech oed.
Fe hawliodd Shaun MacDonald ei le yn nhîm cyntaf Abertawe yn 2005 a threulio Chwe blynedd yng ngharfan y tîm cyntaf, cyfnod llewyrchus pan gipiodd y clwb eu lle yn yr Uwch Gynghrair.
Bellach mae’r chwaraewr 26 oed o Flaenymaes yn chwarae i Bournemouth yn League One, ac yn edrych ymlaen at wynebu rhai o’i gyn-gyd-chwaraewyr heno wrth i Abertawe baratoi ar gyfer eu gêm gynta’ yn yr Uwch Gynghrair yn erbyn Man U pythefnos i yfory.
“Ers i mi adael nid wyf wedi cael unrhyw gyfle i chwarae yn erbyn yr hogiau, felly bydd heno yn achlysur arbennig i mi,” meddai’r chwaraewr rhyngwladol.
