Ar ôl dros fis o wledda ar bêl-droed ym Mrasil fe ddaeth Cwpan y Byd i ben ar nos Sul gyda buddugoliaeth i genhedlaeth newydd o sêr Almaeneg.
Ac ar y pod pêl-droed heddiw, gohebydd y BBC Dafydd Morgan sydd yn ymuno ag Owain Schiavone a Iolo Cheung i drafod y fuddugoliaeth, a’r gystadleuaeth yn ei chyfanrwydd.
Ai’r Almaen oedd yn haeddu’r tlws eleni? Beth nesaf i’w tîm nhw o chwaraewyr ifanc? Pam na lwyddodd yr Ariannin i ennill?
Yn ogystal â’r cwestiynau yma, mae’r tri’n trafod pwy oedd wir yn haeddu gwobr chwaraewr gorau’r twrnament, pa dimau a chwaraewyr greodd argraff, a goliau gorau a gemau mwyaf cyffrous y twrament.
I gloi, pa wersi allai Cymru ddysgu o wylio gemau Cwpan y Byd eleni, a ble ydyn ni’n cymharu o ran safon?
Mwynhewch y pod, a chroeso i chi adael sylwadau – fe fyddwn ni yn ôl nes ymlaen yn yr haf pan fydd y tymor newydd a gemau nesaf Cymru’n dechrau!
Nod yr adran Safbwynt yw sbarduno trafodaeth am Gymru a thrafodaeth am y byd yn Gymraeg. Gallwch gyfrannu erthyglau am unrhyw bwnc – diwylliant, yr iaith, celfyddydau, teledu, radio, yr amgylchedd, twristiaeth, iechyd, gwleidyddiaeth, hanes, addysg, yr economi, yr iaith… unrhyw beth, ewch amdani!
Darllen rhagor
Ar ôl cyflwyno’ch erthygl, bydd golygyddion Golwg yn cael cyfle i’w golygu, ei chymeradwyo, a’i chyhoeddi – bydd eich erthygl wedyn yn ymddangos ar adran Safbwynt ar Golwg360.
Byddwn hefyd yn rhannu eich erthygl i’n dilynwyr ar Twitter a Facebook, felly cofiwch dynnu sylw at eich erthygl a’i hanfon at eich ffrindiau ac unrhyw un arall a allai fod â diddordeb. Bydd eich enw ar y wefan yn gweithredu fel dolen i’ch holl gyfraniadau – felly gallwch ei drin ychydig fel blog personol.
Os byddwch am gyfrannu’n rheolaidd – cysylltwch! Gallwn drefnu tanysgrifiad am ddim i gyfranwyr rheolaidd.
Mwynhewch y sgrifennu… a’r darllen!
Darllenwch ein canllawiau ar gyfrannu i’r adran Safbwynt
