Ryan Giggs (Llun: Man Utd)
Mae Man U wedi cadarnhau na fyddan nhw’n gwneud cyhoeddiad am eu rheolwr newydd tan yr wythnos nesa’.
Ond mae’r dyfalu’n cynyddu y bydd y Cymro Ryan Giggs yn cael ei benodi i gynorthwyo rheolwr yr Iseldiroedd, Louis van Gaal, os bydd hwnnw’n cymryd y swydd.
Yn ôl adroddiadau, fe deithiodd Ryan Giggs i’r Iseldiroedd ddoe i gyfarfod â van Gaal i drafod y posibilrwydd o gydweithio.
Fe fydd cytundeb Giggs i chwarae i Man U yn dod i ben ym mis Mehefin ond dyw’r Cymro ddim wedi datgan y naill ffordd na’r llall eto a fydd e’n parhau i chwarae’r tymor nesa’.
