Chesterfield 1–1 Casnewydd
Cipiodd Casnewydd bwynt yn erbyn Chesterfield yn Stadiwm Proact brynhawn Sadwrn diolch i gôl hwyr Max Porter.
Roedd Jimmy Ryan wedi rhoi’r tîm sy’n drydydd yn yr Ail Adran ar y blaen ar ddechrau’r ail hanner ond fe rwydodd Porter saith munud o’r diwedd i achub pwynt i’r ymwelwyr o Gymru.
Yn dilyn hanner cyntaf di sgôr fe roddodd Ryan y tîm cartref ar y blaen mewn steil yn gynnar yn yr ail gyfnod pan gododd y bêl yn gelfydd dros Ian McLoughlin yn y gôl i Gasnewydd.
Ac roedd hi’n ymddangos fod hynny’n mynd i fod yn ddigon i sicrhau tri phwynt i’r tîm sy’n gobeithio esgyn y tymor hwn ond fe ddwynodd yr Alltudion bwynt yn hwyr yn y gêm pan anelodd Porter ergyd gywir i gefn y rhwyd o ochr y cwrt cosbi.
Mae tîm Justin Edinburgh yn bedwerydd ar ddeg yn nhabl yr Ail Adran yn dilyn y canlyniad hwn, saith pwynt yn glir o’r ddau isaf.
.
Chesterfield
Tîm: Lee, Darikwa, Humphreys, Morsy, Evatt, Cooper, Ryan, Kearns (Hird 72′), Doyle (Richards 77′), O’Shea (Bennett 86′), Roberts
Gôl: Ryan 49’
Cerdyn Melyn: Ryan 88’
.
Casnewydd
Tîm: McLoughlin, Feely, Hughes, Jackson, Yakubu, Flynn, Jeffers (Howe 64′), Porter, Minshull (Naylor 84′), Zebroski (Jolley 64′), Willmott
Gôl: Porter 83’
.
Torf: 5,659
