Mae Craig Noone wedi galw ar gefnogwyr Caerdydd i estyn croeso tanbaid a thanllyd i Crystal Palace yn y brifddinas yfory.

Gyda chwe gêm i fynd y tymor hwn, mae’r Adar Gleision yn daer angen buddugoliaeth os am aros yn Uwch Gynghrair Lloegr.

“Mae’r fantais o chwarae gartref yn anferthol,” meddai Noone.

“Mi fyddai’n wahanol pe baen ni’n teithio [i Palace] gyda dim ond ychydig gannoedd [o gefnogwyr] ac angen buddugoliaeth.

“Mae ganddon ni 30,000 yn ein cefnogi a’n codi ni. Bydd yr awyrgylch yn drydanol, fel y mae hi wedi bod gydol y tymor.”