Aston Villa 1–1 Abertawe
Sicrhaodd gôl Roland Lamah bwynt i Abertawe ar Barc Villa yn yr Uwch Gynghrair brynhawn Sadwrn.
Roedd Gabriel Agbonlahor wedi rhoi mantais gynnar i Aston Villa ond achubodd Lamah gêm gyfartal i’r Elyrch gyda gôl ddeg munud cyn yr egwyl.
Rhoddodd gôl daclus Agbonlahor y tîm cartref ar blaen wedi dim ond saith munud ond llwyr reolodd yr ymwelwyr o dde Cymru’r gêm wedi hynny.
Roeddynt yn llawn haeddu unioni felly ddeg munud cyn yr egwyl pan beniodd Lamah groesiad Pablo Hernandez i gefn y rhwyd.
Abertawe a gafodd y rhan helaeth o’r meddiant yn yr ail gyfnod hefyd ond prin iawn oedd eu cyfleoedd oni bai am un gic rydd gan Jonathan De Guzman.
Gorffen yn gyfartal a wnaeth hi felly ac mae’r pwynt hwnnw’n ddigon i gadw’r Elyrch yn yr unfed safle ar ddeg yn nhabl yr Uwch Gynghrair.
.
Aston Villa
Tîm: Guzan, Lowton, Luna, Westwood, Clark, Baker, Bacuna (El Ahmadi 70′), Delph, Agbonlahor, Weimann (Albrighton 79′), Tonev (Kozák 61′)
Gôl: Agbonlahor 7’
Cardiau Melyn: Bacuna 69’, Clark 86’, El Ahmadi 90’
.
Abertawe
Tîm: Tremmel, Tiendalli (Rangel 55′), Davies, Cañas, Chico, Williams, Hernández, De Guzmán, Bony (Alvaro 84′), Shelvey, Lamah (Pozuelo 68′)
Gôl: Lamah 36’
Cardiau Melyn: Lamah 37’, Rangel 77’
.
Torf: 37,028
