Crawley 2–3 Casnewydd
Mae Casnewydd yn ail rownd Tlws y Gynghrair ar ôl dod yn ôl yn erbyn deg dyn Crawley i ennill o dair gôl i ddwy yn Stadiwm Broadfield nos Fawrth.
Roedd y tîm cartref ar y blaen o ddwy gôl hanner ffordd trwy hanner agoriadol y gêm rownd gyntaf ond fe darodd y Cymry’n ôl gan rwydo tair i ennill y gêm.
Rhwydodd Emile Sinclair gyntaf Crawley wedi deuddeg munud cyn i Michael Jones ddyblu’r fantais gyda gôl syfrdanol o’r llinell hanner.
Rhoddwyd llygedyn o obaith i dîm Justin Edinburgh ddau funud cyn yr egwyl pan rwydodd Chris Zebroski a throdd y llygedyn hwnnw’ rhywbeth mwy ddau funud wedi hanner amser pan yr anfonwyd James Hurst odd ar y cae ar ôl ildio cic o’r smotyn.
Unionodd Adam Chapman y sgôr o’r smotyn ac aeth Casnewydd ar y blaen am y tro cyntaf toc wedi’r awr pan wyrodd Connor Essam y bêl i’w rwyd ei hun.
Ac felly yr arhosodd hi tan y diwedd wrth i Gasnewydd gofnodi buddugoliaeth a oedd wedi ymddangos yn anhebygol iawn awr ynghynt.
.
Crawley
Tîm: Jones, Hurst, Connolly, Essam, Sadler, Adams, Simpson, Jones (Alexander 68’), Torres (Bulman 63’), Proctor, Sinclair (Drury 63’)
Goliau: Sinclair 13’, Jones 23’
Cerdyn Coch: Hurst 47’
.
Casnewydd
Tîm: Stephens, Jackson, Yakubu (Chapman 15’), James, Hughes, Minshull, Naylor, Flynn (Pipe 84’), Willmott (Washington 87’), Crow, Zebroski
Goliau: Zebroski 43’, Chapman 48’, Essam [g.e.h.] 61’,
Cerdyn Melyn: Stephens 82’
