Wrecsam 1–1 Caergrawnt
Gôl yr un a phwynt yr un oedd hi rhwng Wrecsam a Chaergrawnt ar y Cae Ras yn Uwch Gynghrair Skrill brynhawn Sadwrn.
Rhoddodd Leon Clowes y Dreigiau ar y blaen yn gynnar cyn i Kwesi Appiah unioni i’r ymwelwyr cyn yr egwyl.
Roedd talcen caled yn wynebu Wrecsam wrth iddynt herio’r tîm sydd ar frig y Gyngres ond cawsant y dechrau gorau posib wrth i Clowes benio croesiad Johnny Hunt heibio i gyn gôl geidwad y Dreigiau, Chris Maxwell, wedi dim ond chwe munud.
Ond dim ond deg munud a barodd y fantais cyn i Appiah fanteisio ar gic wael gôl-geidwad presennol Wrecsam, Joslain Mayebi, i unioni’r sgôr.
Ychydig iawn o gyfleoedd a gafodd y ddau dîm am weddill y gêm a bu rhaid iddynt fodloni ar bwynt yr un yn y diwedd.
Mae’r pwynt yn hen ddigon i gadw Caergrawnt ar frig y tabl ond mae Wrecsam yn llithro i’r pedwerydd safle ar bymtheg.
.
Wrecsam
Tîm: Mayebi, Ashton, Clowes, Artell, Clarke, Harris, Hunt (Cieslewicz 79′), Theo Bailey-Jones, Anyinsah (Ogleby 76′), Carrington, Ormerod
Gôl: Clowes 6’
Cardiau Melyn: Carrington, Clarke, Harris, Theo Bailey-Jones
.
Caergrawnt
Tîm: Maxwell, Taylor, Coulson, Miller, Tait, Champion, Dunk (Cunnington 71′), Berry (Spillane 75′), Hughes, Sam-Yorke (Arnold 60′), Appiah
Gôl: Appiah 17’
.
Torf: 3,136
