Bellamy yn ymddeol?

Craig Bellamy
Mae Craig Bellamy wedi dweud ei fod bron yn sicr y bydd yn ymddeol o bêl-droed rhyngwladol ar ddiwedd ymgyrch Cymru yng ngemau rhagbrofol Cwpan y Byd a gallai hefyd orffen ei yrfa yn gyfan gwbl ar ddiwedd y tymor.

Serch hynny, mae rheolwr Caerdydd Malky Mackay wedi dweud y dylai ei gapten gael ei ysbrydoli gan ei gydwladwr Ryan Giggs sydd yn dal i chwarae pêl-droed ar y lefel uchaf yn 39 oed.

‘‘Rwyf wedi sôn wrtho am Kevin Phillips a Ryan Giggs sy’n cymryd tymor ar y tro.  Bydd yna adeg lle bydd Craig eisiau canolbwyntio ar ei fywyd a’i deulu,’’ meddai Mackay.

‘‘Mae Craig yn fodlon trafod y sefyllfa, felly ni fydd hi’n sioc pe bai’n penderfynu ymddeol ar ddiwedd y tymor, ond ei benderfyniad ef yw hynny,’’ ychwanegodd Mackay.