Gareth Bale
Mae papur newydd yn dweud na fydd Gareth Bale yn chwarae i Spurs fyth eto.
Yn ôl y Sun, mae’r seren bêl-droed wedi dweud wrth ei gydchwaraewyr yng ngharfan Cymru na fydd yn ymddangos eto tros y clwb.
Ond, ar yr un pryd, mae adroddiadau eraill yn awgrymu bod Real Madrid yn llai brwd tros arwyddo’r Cymro.
Fe allai hynny fod yn rhan o gêm dactegol, ond mae rheolwr a chadeirydd y clwb wedi awgrymu bod Bale yn rhy ddrud a bod ganddyn nhw chwaraewyr ifanc addawol eraill.
Yn ôl y Sun, mae Bale wedi dweud wrth y Cymry eraill ei fod wedi ei siomi gan agwedd Spurs yn gwrthod ei werthu.
Ni fydd Bale yn chwarae i Gymru yn erbyn Gweriniaeth Iwerddon heddiw.
