Gareth Bale
Mae stori bapur newydd yn awgrymu y bydd Man Utd yn cynnig am Gareth Bale, wrth i’r chwaraewr canol cae dynnu’n ôl o dîm Cymru nos fory.
Y Daily Mail sy’n awgrymu y gallai David Moyes wneud cynnig munud ola’ i geisio cael y Cymro i Old Trafford, gan guro Real Madrid.
Mae’r dyfalu’n parhau wrth i Bale dynnu’n ôl o’r gêm gyfeillgar yn erbyn Gweriniaeth Iwerddon nos yfory.
Er ei fod wedi ymarfer rhywfaint gyda’r garfan ddoe, ysgafn oedd hynny ac roedd yn gweithio ar ei ben ei hun.
Dyw e ddim wedi chwarae ers tua mis oherwydd anaf i’w droed.
