Mae rheolwr Caerdydd, Malky Mackay wedi dweud fod y clwb yn agos iawn i arwyddo Thomas Ince, asgellwr 21 oed clwb pêl-droed Blackpool.
Fe wnaeth Paul Ince, rheolwr Blackpool a thad y chwaraewr, ddweud bod y clwb wedi derbyn cynnig am y chwaraewr.
‘‘Mae ein cynnig am Tom wedi ei dderbyn, ac yr ydym yn gobeithio siarad ag ef unwaith y daw nôl o’i wyliau. Yr ydym yn awyddus iawn i’w arwyddo gan ei fod yn chwaraewr ifanc cyffrous,’’ meddai Mackay.
Fe wnaeth sgorio 18 o goliau mewn 47 o gemau i Blackpool y tymor diwethaf.
