Yr Elyrch yn ymarfer yn yr Iseldiroedd

Michael Laudrup
Bydd tîm Michael Laudrup yn chwarae pedair gêm ar eu taith 10 diwrnod yn yr Iseldiroedd gan gynnwys timau fel ADO Den Haag a NEC Breda.

Bydd y daith yn rhoi cyfle i’r garfan ymarfer a chystadlu cyn i dymor yr Uwch Gynghrair ddechrau ym mis Awst.

‘‘Mae’n wych i fod nôl ac i weld pawb ar ôl gwyliau’r haf, ar ôl trafod gyda phawb am yr hyn a wnaethon nhw dros y gwyliau, mae’n amser i fynd i weithio,’’ meddai amddiffynnwr yr Elyrch, Ben Davies.

Yr adeg hon y llynedd, fe wnaeth yr Elyrch hedfan i’r Unol Daleithiau i ymarfer cyn i’r Uwch Gynghrair ddechrau.

Gyda nifer o wynebau newydd yn Abertawe’r tymor hwn, dywed Ben Davies y bydd y daith yn gyfle arbennig i ddod i adnabod ei gilydd cyn y tymor newydd.

‘‘Bydd y daith yma’n dda i ni, roedd y daith llynedd yn fuddiol iawn i mi yn bersonol,’’ ychwanegodd Davies.

Fe fydd yr Elyrch yn herio’r Pencampwyr presennol Manchester United yn ei gêm gyntaf y tymor hwn.