Bale yw Chwaraewr y Flwyddyn Uwch Gynghrair Lloegr
Mae Manchester United yn barod i dorri record y byd er mwyn arwyddo un ai Gareth Bale neu Ronaldao, yn ôl The Sun.
Yn ôl y tabloid mae perchnogion Man U yn fodlon rhoi £85m i Davied Moyes brynu un ai Cristiano Ronaldo o Real Madrid neu Gareth Bale o Spurs.
Datgelodd Ronaldo ddoe bod ei dyfodol yn Real Madrid yn bell o fod yn sicr. Ond pe bai yn arwyddo cytundeb newydd gyda Real Madrid, bydd Moyes yn troi ei olygon at Bale.
Mae’r Glaziers, perchnogion Americanaidd Man U, yn benderfynol y bydd y clwb yn parhau i fod yn llwyddiannus er gwaethaf ymddeoliad Sir Alex Ferguson.
Mae gan Ronaldo ddwy flynedd o’I gytundeb presennol ar ôl gyda Real Madrid, ac wedi trydaru ddoe bod ei ddyfodol yn ansicr.
Wrth gwrs, nid yw Spurs am adael i Bale fynd, ond bydd yr holl arian yn amhosibl i wrthod. Yn ogystal â Manchester United, mae Real Madrid a Paris Saint-Germain wedi dangos diddordeb yn y Cymro ifanc.
