Martinez yn ymddiswyddo fel rheolwr Wigan

Roberto Martinez
Mae Roberto Martinez wedi ymddiswyddo o’i rôl fel rheolwr Wigan wedi pedwar tymor gyda’r clwb.

Fe wnaeth y Sbaenwr, oedd yn rheoli Abertawe cyn hynny, arwain Wigan i fuddugoliaeth ryfeddol yng nghwpan yr FA yn erbyn Manchester City eleni.

Mae Martinez yn un o’r enwau sydd yn yr het i gymryd lle David Moyes yn Everton wedi iddo ymuno a Manchester United yn dilyn ymddeoliad Alex Ferguson.

Dywedodd Dave Whelan, cadeirydd tîm pêl-droed Wigan: “Mae Roberto eisiau symud yn ei flaen.

“Mae Everton wedi’n ffonio i ac rwy’ wedi rhoi caniatâd iddyn nhw i siarad gydag o.”