Gateshead 0–0 Casnewydd
Collodd Casnewydd gyfle gwych i gau’r bwlch ar y timau ar frig Uwch Gynghrair y Blue Square gyda gêm gyfartal yn erbyn Gateshead yn York Street, Boston, nos Fawrth.
Hwn oedd y pumed tro i’r gêm hon gael ei threfnu. Bu rhaid gohirio bedair gwaith oherwydd y tywydd a phroblemau gyda chae’r tîm cartref yn Stadiwm Ryngwladol Gateshead, felly doedd dim amdani ond chwarae mewn maes arall.
Gêm ar gae niwtral i Gasnewydd felly mwy neu lai ond methodd y Cymry a manteisio wrth iddi orffen yn ddi sgôr. Aaron O’Connor a gafodd gyfleoedd gorau’r ymwelwyr ond methodd fanteisio ar ddau achlysur yn yr ail hanner.
Casnewydd oedd yr unig dîm o’r pump uchaf i chwarae heno ond methu cyfle oedd eu hanes wrth iddynt aros yn bedwerydd, wyth pwynt y tu ôl i Kidderminster ar y brig.
.
Gateshead
Tîm: Bartlett, Curtis, Clark, Galpin, Chandler, Gillies, Turnbull, Cummins, Donaldson, Henderson (Hatch 65′), Everson
Cardiau Melyn: Chandler 7’, Henderson 52’, Hatch 76’
.
Casnewydd
Tîm: Pidgeley, Hughes, James, Anthony, Pipe, Minshull, Sandell, Jolley (Willmott 65′), Donnelly, Evans, O’Connor
.
Torf: 227
