Laudrup
Mae rheolwr Abertawe, Michael Laudrup wedi dweud bod ganddyn nhw “gêm bwysig iawn” yn erbyn Arsenal ar y Liberty am dri o’r gloch brynhawn fory.
‘‘Bydd hon yn gêm bwysig iawn i Arsenal wrth geisio codi i’r pedwerydd safle gyda dim ond wyth gêm ar ôl wedi’r penwythnos hwn. Ar ôl dweud hynny rydym ni wedi cael rhai gemau da yn eu herbyn y tymor hwn, ac yn gobeithio am gêm dda ddydd Sadwrn,’’ meddai Laudrup.
Dim Chico
Mae Laudrup wedi cadarnhau na fydd Chico Flores na Kenny Agustien yn chwarae oherwydd anafiadau ac y bydd Leon Britton yn cael prawf ffitrwydd ar ôl colli’r gêm y penwythnos diwethaf oherwydd anaf.
Bydd y cefnwr Neil Taylor, sydd wedi ei anafu ers Medi 2012, yn gobeithio chwarae hanner gêm wrth i’r tîm dan 21 oed deithio i Queens Park Rangers.
