Dirk Nannes
Ni fydd y bowliwr cyflym llaw chwith, Dirk Nannes yn ymuno â charfan T20 Morgannwg wedi’r cyfan.
Roedd disgwyl iddo ymuno â’r garfan yn dilyn cyfnod yn chwarae yng nghystadleuaeth IPL yn India.
Ond mae Nannes, sydd wedi bod yn cynrychioli’r Chennai Super Kings, wedi torri asgwrn yn ei gefn.
Collodd y Super Kings yn rownd derfynol y gystadleuaeth yn erbyn Mumbai Indians ddydd Sul diwethaf.
Dywedodd Pennaeth Perfformiad Elit Morgannwg, Matthew Mott: “Rydyn ni’n siomedig o glywed na fydd Dirk yn gallu ymuno â ni y tymor hwn – mae’n fowliwr o safon ac fe fyddai wedi bod yn ychwanegiad gwerthfawr i’n carfan ni.
“Rydyn ni nawr yn ystyried gwahanol opsiynau i’w ddisodli ac rydyn ni eisoes wedi sgwrsio gyda nifer o chwaraewyr.”
