Nathan Cleverly
Mae’r paffiwr o Gymru, Nathan Cleverly, yn gobeithio ymladd yn erbyn un o enwau mwya’r gamp yn gynnar y flwyddyn nesa’.
Gobaith yr ymladdwr o Cefn Fforest yw ymladd yn erbyn Bernard Hopkins pan fydd hwnnw’n ailafael yn ei yrfa ym mis Mawrth.
Ar ôl amddiffyn ei deitl WBO pwysau gordrwm yn erbyn Stephen Hawk yn yr Unol Daleithiau tros y Sul, fe ddywedodd Cleverly ei fod yn gobeithio cael cyfle yn erbyn Hopkins.
Er fod yr Americanwr bellach yn 47 oed, mae’n dal yn enw chwedlonol ac yn debyg o roi arian mawr i’r Cymro.
Yn y cyfamser, mae Cleverly’n debyg o orfod amddiffyn ei deitl eto ond fe ddywedodd ddoe y byddai’n anelu at wneud hynny’n fuan a symud ymlaen at Hopkins.
