McCoy yn cyrraedd yr hanner cant yn Ffos Las

Tony McCoy
Tony McCoy ydi’r joci cyntaf i ennill 50 ras ar gwrs rasio Ffos Las yn Sir Gaerfyrddin.

Fe enillodd dwy ras i gyrraedd yr hanner cant. Y ddau geffyl wnaeth sicrhau buddugoliaethau iddo oedd At Fishers Cross a Boy fromnowhere.

Mi wnaeth Cadeirydd y cwrs rasio, Dai Walters, gyflwyno llun go arbennig i McCoy i nodi ei lwyddiant sef llun o Sea Wall, y ceffyl wnaeth ennill y ras gyntaf un yn Ffos Las  iddo yn ôl ym mis Mehefin 2009.

Meddai Tim Long, clerc y cwrs a rheolwr cyffredinol Ffos Las, “Mae AP McCoy yn ffenomenon. Mae’n bosib na fydd ei gampau yn y cyfrwy byth yn cael eu curo a dyw hi ddim yn syndod mai fe yw’r joci ar y brig yma yn Ffos Las a hynny o gryn dipyn.”