Mae tîm hoci iâ Devils Caerdydd yn cael eu canmol am ddefnyddio’r Gymraeg mewn fideo newydd ar y cyfryngau cymdeithasol.
Mae’r fideo ar dudalen Twitter y clwb yn dangos dau chwaraewr, Cole Sandford a Trevor Cox, yn ateb cwestiynau ‘Fe neu Fi?’
Mae gofyn i’r chwaraewyr ateb cwestiynau drwy ddal un cerdyn i fyny, a’r ateb i bob cwestiwn yw ‘Fi’ neu ‘Fe’.
Mae’r cardiau’n dwyn y geiriau yn Gymraeg o dan y Saesneg ar fflachgardiau.
Mae’r fideo wedi cael ei hoffi ddegau o weithiau.
“Mae’n ardderchog i weld yr iaith Gymraeg yn cael ei ddefnyddio fan hyn,” meddai @aurybyd1 wrth ymateb i’r fideo.
Mae’n ardderchog i weld, yr iaith Gymraeg yn cael ei ddefnyddio fan hyn. Mae’r pethae bach yn bwysig, a’n neis i weld. Da iawn
— Aurybyd (@Aurybyd1) October 22, 2021
