Roedd siom i’r Cymro Cymraeg Elfyn Evans yn rali Croatia, wrth iddo fe golli allan ar y fuddugoliaeth wrth droi cornel ola’r ras.
Roedd e ar y blaen i Sebastien Ogier, y Ffrancwr sydd hefyd yn aelod o dîm Toyota Gazoo, ar y pryd.
Ond wrth fynd i mewn i’r gornel dyngedfennol, fe aeth Evans i mewn i’r dibyn, gan golli amser hollbwysig.
Yn ôl Evans, mae’r canlyniad yn “drueni” ond fe wnaeth e ganmol perfformiad Ogier ar yr un pryd.
Mae Ogier ar frig y bencampwriaeth ar ôl i Kalle Rovanperä adael y rali yn y cymal agoriadol.
It was close…. again! One bad stage let us down this weekend. Overall a solid performance on a new event and a brilliant 1-2 for @TGR_WRC – the Yaris WRC was great today and it was good to be able to fight for victory. ???????? #EE33 #CroatiaRally pic.twitter.com/2oVVRiIKnc
— Elfyn Evans (@ElfynEvans) April 25, 2021
?️?? "Je pensais que ça ne suffirait pas. @ElfynEvans a été au top. C'est une émotion super forte pour nous. Ça a été les montagnes russes tout le week-end, j'étais déjà content d'être toujours en course alors gagner pour si peu… C'est pour ces émotions qu'on fait ce sport !" pic.twitter.com/8ueerbaOWa
— Sébastien Ogier (@SebOgier) April 25, 2021
“Do’n i ddim yn meddwl y byddai’n ddigon,” meddai Ogier.
“Mae @ElfynEvans wedi gwneud gwaith gwych.
“Mae’r emosiynau’n hynod gryf nawr!
“Fe fu’n rollercoaster i ni y penwythnos yma, ro’n i’n falch o fod yn y ras o hyd a nawr i ddal y fuddugoliaeth fel hyn… Am wn i, rydyn ni’n gwneud y gamp hon ar gyfer yr emosiynau hyn.”
Mae Evans yn drydydd yn y Bencampwriaeth ar 51 o bwyntiau, y tu ôl i Ogier ar y brig (61) a Thierry Neuville (53).
