Y Sais Ronnie O’Sullivan a Jordan Brown o Ogledd Iwerddon fydd yn cystadlu am dlws Pencampwriaeth Snwcer Agored Cymru yng ngwesty’r Celtic Manor yng Nghasnewydd heddiw (dydd Sul, Chwefror 21).
Cyrhaeddodd O’Sullivan y rownd derfynol ar ôl curo’r Cymro Mark Williams, oedd wedi dweud bod ei wrthwynebydd wedi ei guro ym mhob ffordd yn rownd y pedwar olaf, o chwe ffrâm i un.
Outplayed outpotted out scored outsafetyed outscrapped outlucked outbreaked outclassed out dressed out everything #overandout
— MARK WILLIAMS M.B.E (@markwil147) February 20, 2021
Yr un oedd y sgôr yn y gêm gyn-derfynol arall rhwng Ronnie O’Sullivan a’r Albanwr Stephen Maguire.
Sgoriodd Williams 73 yn y ffrâm gyntaf cyn i O’Sullivan daro’n ôl gyda 102 yn yr ail ffrâm.
Ond fe aeth y Sais yn ei flaen i sgorio 77, 54 a 69 ar ei ffordd i’w chweched ffeinal yng Nghymru, ac yntau wedi ennill y tlws bedair gwaith.
