Sioe Llandudno’n mynd rhagddi, er marw ‘Tinky Winky’

Fe fydd lansiad sioe Teletubbies Live yn mynd rhagddo yn Llandudno heno (nos Wener, Rhagfyr 26) er gwaethaf marwolaeth un o’r actorion gwreiddiol a fu’n chwarae ‘Tinky Winky’.

Bu farw Simon Shelton o hyperthermia yr wythnos hon, ac yntau’n ddim ond 52 oed. Roedd wedi hyfforddi’n ddawnsiwr bale, ac wedi portreadu’r Teletubbie piws ar y gyfres deledu ers y dechrau.

Ond yn ôl llefarydd ar ran canolfan Venue Cymru yn Llandudno – lle bydd taith y sioe lwyfan o gwmpas gwledydd Prydain yn dechrau heno – ni fydd marwolaeth yr actor yn cael effaith ar y trefniadau.

Roedd Simon Shelton yn aelod o gyfres wreiddiol y rhaglen blant rhwng 1997 a 2001, ond cast newydd sbon fydd yn perfformio yn y cynhyrchiad hwn, meddai’r llefarydd wedyn.

Mae’r daith yn para tan fis Hydref, pan fydd yn darfod yn Blackpool.