Noson dathlu dawn Meic Stevens

Heno fe fydd noson arbennig ar S4C yn dathlu athrylith y canwr Meic Stevens yn y flwyddyn y mae’n dathlu ei ben-blwydd yn 70 oed.

Fe fydd y noson yn cynnwys rhaglen awr arbennig o’r enw Meic Stevens: Oed yr Addewid sy’n cynnwys uchafbwyntiau gig arbennig a wnaeth yn stiwdios Tinopolis, Llanelli. Yn y gyngerdd bydd y canwr o Solfach yn canu ar ei ben ei hun, dim ond fe a’i gitâr.

Mae’r noson hefyd yn cynnwys dwy raglen archif am y cerddor sydd wedi dylanwadau ar genedlaethau o gerddorion yng Nghymru. Bydd cyfle i weld y rhaglen bortread Y Brawd Houdini a ddarlledwyd gyntaf ym 1990, sy’n cynnwys cyfweliadau gyda’i ffrindiau a cherddorion amrywiol, a’r gyngerdd Meic a ddarlledwyd ym 1997.

Ymhlith y pymtheg o ganeuon sy’n cael eu perfformio mae rhai o’r ffefrynnau yn cynnwys y gân serch ‘Môr o Gariad’, y gân brotest ‘Tryweryn’ a’r gân hiraethus ‘Ysbryd Solfa’.

Meic Stevens: Oed yr Addewid 8.25

Y Brawd Houdini 9.30

Meic 10.35

6 sylw

Guto 7 Rhagfyr 2012, 14:59

Dwi’n gwbod mor flinderus i orllewinwyr a deheuwyr ydi pobl yn cywiro eu gwallau iaith, yn enwedig o dan erthygl am Meic Stevens, ond digon yw digon. ‘Y cyngerdd’ ydi o! Hefyd, ‘y cinio’ a ‘mewn cymanfa’.

Iwan Rhys 7 Rhagfyr 2012, 15:04

Guto, mae ‘cyngerdd’ yn gallu bod yn air gwrywaidd neu fenywaidd. Mae’n dda bod â chlust agored i dafodieithoedd eraill.

Guto 8 Rhagfyr 2012, 15:59

Gwd thing ife?

Gareth 10 Rhagfyr 2012, 11:22

Pawb oedd yn cymryd rhan yn y rhaglen yn baglu dros ei gilydd i grafu tin y dyn ma. Eto byth. Dim byd newydd. A digon i droi stumog rhywun a dweud y gwir.

gaynor 10 Rhagfyr 2012, 13:47

Ges i lond bola pan oedd yr holl seians bod mcnabs yn mynd i ganada, roedd na “gyngerdd olaf meic” ym mhob twll a chornel o Gymru am bron 6 mis,. Faint fuodd e’n Canada, 3 wythnos????

Guto 10 Rhagfyr 2012, 16:13

Mae’r arfer yma o dalu teyrnged i bobl dros noswaith o deledu – ac mae Meic Stevens yn haeddu un cymaint â neb arall – yn syrffedu dyn. Pe bai S4C yn cynnig pedair awr o berfformiadau a deunydd o’r archif, efo rhywfaint o gyd-destun efallai gan ddoethuriaid y SRG, fyddwn i’m yn cwyno. Ond pedair awr o bobl sydd fawr callach na fi’n malu cachu am ba mor briliant a ffantastig ac ymeising ac ôsym ydi rhywun, dim diolch. Dwi’n siwr mai trio rhoi sglein ar repeats er lles y gynulleidfa mae S4C, ond does dim yn sgleinio’n fwy na’r deunydd gwreiddiol.

Mae’n rhemp ymhob cwr o’r byd teledu. Gas gen i weld teyrngedau i Morecambe and Wise neu rywun cyffelyb, lle mae’r darlledwr yn gwrthod dangos y sgetsys llawn, ond yn eu rhannu yn bytiau o ddwy neu dair eiliad, efo rhyw ynfytyn yn rhoi disgrifiad llythrennol o’r hyn mae wedi’i weld ar sgrîn mewn swît VT eiliadau’n ôl yn disodli sgriptiau’r sawl y mae’n talu teyrnged iddynt.

Mae’r sylwadau wedi cau.

Noson dathlu dawn Meic Stevens

Y Brawd Houdini ar y bocs

Poblogaidd

Swyddi

Is-ddatblygwr Meddalwedd

Pennaeth Cwynion Gwasanaethau Cyhoeddus

Cynhyrchydd Cynnwys Digidol

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

CYMBAC yn y COVID!

Stori nesaf →

Llyfr Denzil Pobol y Cwm wedi gwerthu allan

Hefyd →

Llun y Dydd

6 sylw