Y Spice Girls yn gobeithio am well sain yng Nghaerdydd

Mae’r Spice Girls yn gobeithio datrys eu problemau sain cyn perfformio yn Stadiwm Principality yng Nghaerdydd nos Lun (Mai 27).

Roedd llu o gwynion am ansawdd y sain wrth iddyn nhw ddechrau eu taith ddiweddaraf yn Croke Park yn Nulyn neithiwr (nos Wener, Mai 24).

Mae Mel B yn dweud ei bod yn gobeithio y bydd y sain “lawer gwell” yng Nghaerdydd.

Maen nhw’n perfformio ar lwyfan am y tro cyntaf ers saith mlynedd, ac mae nifer fawr o bobol wedi talu mwy na £100 am docyn.

“Gwelwn ni chi yng Nghaerdydd,” meddai Mel B mewn fideo ar Instagram. “A gobeithio y bydd y lleisiau a’r sain lawer iawn gwell, pfft.”