Mi fydd y gantores Cheryl Cole yn ail ymuno hefo panel beirniadu’r gyfres deledu X-Factor, ar ôl arwyddo cytundeb gwerth £1.5 miliwn.
Fe wnaeth Cheryl Cole, 30, roi’r gorau i’w swydd fel beirniad ar y gyfres yn 2011, ar ôl derbyn cynnig i ymuno hefo fersiwn o’r sioe draw yn America.
Ond cafodd ei diswyddo o’i rôl yn America yn dilyn honiadau bod y gynulleidfa yn cael trafferth deall ei hacen gref o Newcastle. Fe achosodd hyn ffrae rhwng y gantores a chynhyrchydd y gyfres, Simon Cowell.
Mi fydd Simon Cowell hefyd yn dychwelyd i’r fainc beirniadu ar gyfer y gyfres nesaf, fel ymdrech i roi hwb i’r ffigyrau gwylio.
Dywedodd ar ei gyfrif trydar:
“Mae’n swyddogol. Mae Cheryl yn ôl.”
