Llanwenog yn ennill eto

Megan Lewis Trisant yn cael ei chadeirio
Y diweddara’ o Eisteddfod Ffermwyr Ifanc Ceredigion – Mae’r canlyniadau i gyd ar y gwaelod.

Clwb Llanwenog oedd enillwyr Eisteddfod Ceredigion unwaith eto, ond roedd y canlyniad yn glosiach na’r llynedd.

Ar y diwedd, roedd gan y pencampwyr 103 o bwyntiau, Pontsian yn ail gyda 94 a Mydroilyn yn drydydd ar 68.

Uchafbwynt y fuddugoliaeth oedd ennill y gystadleuaeth ola’ – y côr – a seren yr Eisteddfod oedd Enfys Hatcher ar ben pedair gwobr gynta’ unigol, hi oedd arweinydd y Côr a hyfforddwraig yr Ensemble Lleisiol buddugol.#

Hi hefyd a gafodd y tlws am fod yn Llefarydd Gorau’r Eisteddfod, gydag Iwan Davies o Landdewi Brefi yn ennill cwpan her yr Unawdydd Gorau.

Megan yn cipio’r Gadair

Roedd enillydd y Gadair eleni yn “llenor o safon uchel iawn” yn ôl y beirniad, y Prifardd Gwenallt Llwyd Ifan.

Roedd Megan Lewis o glwb Trisant wedi sgrifennu stori fer yn llawn “cyffyrddiadau cynnil” am glirio aelwyd ar ôl marwolaeth aelod o deulu.

Mae’r fyfyrwraig trydedd flwyddyn yn Adran y Gymraeg, Prifysgol Aberystwyth, yn “un sy’n astudio pobol, iaith a thafodiaith yn graff”, meddai Gwenallt Llwyd Ifan.

6.40

Fe barhaodd prynhawn da Llanwenog wrth iddyn nhw ennill yr Ensemble Lleisiol i fynd ar y blaen yn gyffredinol.

Ond mae’r wobr am broffesiynoldeb yn mynd i Carwyn Hawkins, Felinfach, am gario ymlaen gyda’r Unawd Sioe Gerdd er fod melt neu wynt wedi diffodd goleuadau a system sain y Pafiliwn.

Mae’r gwobrau’n dal i gael eu rhannu rhwng nifer o glybiau gyda Rhys ac Iwan o Landdewi Brefi’n ennill y ddeuawd a’r brawd a chwaer, Rhys a Fflur, o Langeithio’n ychwanegu at eu gwobrau gyda’r ail.

6.40

Fe barhaodd prynhawn da Llanwenog wrth iddyn nhw ennill yr Ensemble Lleisiol a’u rhoi ar y blaen yn gyffredinol.

Ond mae’r wobr am broffesiynoldeb yn mynd i Carwyn Hawkins, Felinfach, am gario ymlaen gyda’r Unawd Sioe Gerdd er fod melt neu wynt wedi diffodd goleuadau a system sain y Pafiliwn.

Mae’r gwobrau’n dal i gael eu rhannu rhwng nifer o glybiau gyda Rhys ac Iwan o Landdewi Brefi’n ennill y ddeuawd a’r brawd a chwaer, Rhys a Fflur, o Langeithio’n ychwanegu at eu gwobrau gyda’r ail.

5.30

Aeth hi’n glosiach fyth, wrth i Lanwenog gipio ail wobr gyntaf o fewn ychydig.

Nhw a enillodd ar y gystadleuaeth cerdd dant.

5.10

Y farn ym Mhafiliwn Pontrhydfendigaid oedd fod Pontsian fymryn ar y blaen erbyn diwedd y prynhawn yn Eisteddfod CFfI Ceredigion.

Roedd hynny ar ôl cael buddugoliaeth drawiadol yn yr Ymgom – trydydd cynta’r clwb yn ystod y dydd.

Ond roedd Llanwenog yn dal i bwyso, wrth i Enfys Hatcher ennill yr Unawd Cân Werin i ychwanegu at ei buddugoliaeth yn y Llefaru dan 26.

Rhwng nos Iau a’r Sadwrn, roedd gan glybiau fel Troedyraur a Bro’r Dderi ddwy wobr gynta’ yr un hefyd gan gynyddu’r disgwyl y gallai hon fod yn un o’r eisteddfodau agosa’ ers tro.

4.00

Roedd hi’n argoeli’n gystadleuaeth agos erbyn canol prynhawn Sadwrn Eisteddfod Ffermwyr Ifanc Ceredigion.

Roedd o leia’ dri o glybiau’n agos iawn ar ôl 14 o gystadlaethau, gyda phedwar clwb wedi cael dau gynta’ yr un.

Ynhlith yr uchafbwyntiau ddechrau dydd Sadwrn, roedd dwbl i Lowri Elen Jones o Bro’r Dderi ar yr unawd a’r llefaru 16 neu iau – fe ddath hi’n ail hefyd ar y Canu Emyn.

Marciau Terfynol

Llanwenog 103

Pontsian 94

Mydroilyn 68

Llanddewi Brefi a Llangeitho 47

Caerwedros 44

Troedyraur 41

Bro’r Dderi a Felinfach 34

Bryngwyn a Talybont 27

Y canlyniadau

Nos Sadwrn

Côr