Mae app Eisteddfod yr Urdd wedi cyrraedd 30 ucha’ siart Adloniant AppStore ar y we.
Fe ddaeth y cyhoeddiad heddiw, wrth i Brif Weithredwr yr Urdd, Efa Gruffydd Jones, gadarnhau fod cyfanswm o 8,000 o bobol wedi llwytho’r rhaglen un ai ar gyfer ffonau clyfar a ffonau android.
Ar yr app, mae’n bosib i ddefnyddwyr weld map o Faes Eisteddfod yr Urdd, trefnu eu hamserlen am yr wythnos, ynghyd a darllen canlyniadau rhagbrofion a chystadlaethau.
“Mae 90% o’r rhai sydd wedi adolygu’r app wedi rhoi pum seren iddo fe,” meddai Efa Gruffydd Jones wedyn. “R’yn ni’n falch iawn ohono.”
