Cyhuddo dynion o geisio smyglo 50 o grwbanod

Mae dau ddyn o Japan wedi eu cyhuddo o geisio smyglo mwy nag 50 o grwbanod byw i mewn i’r Unol Daleithiau.

Dywedodd yr awdurdodau bod Atsushi Yamagami a Norihide Ushirozako, y ddau o Osaka, wedi eu harestio ddydd Gwener ym Maes Awyr Rhyngwladol Los Angeles.

Cafodd y ddau eu cyhuddo o geisio mewnforio bywyd gwyllt yn anghyfreithlon a throseddu ar y Ddeddf Rhywogaethau Mewn Perygl.

Fe fydd y ddau yn mynd o flaen llys ar 31 Ionawr ac yn wynebu hyd at 21 mlynedd yn y carchar os ydyn nhw’n euog.

Daethpwyd o hyd i’r crwbanod mewn bocsys bwyd parod oedd wedi eu cadw mewn siwtces.

Roedd yr arestiadau yn gysylltiedig gydag ymchwiliad cudd ddechreuodd y llynedd er mwyn atal smyglo crwbanod i mewn i’r Unol Daleithiau.

Poblogaidd

Swyddi

Tinopolis

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Swyddog Ardal Wledig (Dyffryn Conwy)

← Stori flaenorol

Newyddion

Anghytundeb ynghylch nodi canmlwyddiant Gogledd Iwerddon

“Mae’n bwysig ein bod yn cydnabod bod Gogledd Iwerddon yn rhan o’r Deyrnas Unedig ac wedi bod ers 100 mlynedd”, meddai Arlene Foster

Stori nesaf →

Archif

Beth yw’r ‘smotyn gwyrdd’ yn y gofod?

Y smotyn anferth yn yn “rhoi genedigaeth” i sêr newydd mewn cornel anghysbell o’r gofod

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Cyhuddo dynion o geisio smyglo 50 o grwbanod

Wedi cuddio’r crwbanod mewn bocsys bwyd parod

Poblogaidd

Swyddi

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd

Swyddog Ardal Wledig (Dyffryn Conwy)