Mae’r heddlu yn galw am wybodaeth ar ôl ymosodiad ar ddyn 21 oed ar bompren bren ger archfarchnad Morrisons yn Saltney, Sir y Fflint.
Dywedodd y Ditectif Arolygydd Victoria Matthias bod y dioddefwr yn cerdded ar hyd y bont pan ymosododd ciwed o ddynion ifanc arno tua 5.05pm ddydd Gwener, 31 Rhagfyr.
Roedd y dynion rhwng 18 a 22 oed ac roedd un ohonyn nhw’n gwisgo dillad tywyll a hwdi.
“Rydym ni’n awyddus i siarad ag unrhyw un oedd yn yr ardal ar y pryd ac a fyddai wedi gweld unrhyw beth amheus neu wedi sylwi ar y grŵp,” meddai.
Dylai unrhyw un sydd â gwybodaeth ffonio 101 neu 0845 6071001.
