Mae Heddlu Dyfed-powys yn apelio am lygaid dystion a gwybodaeth yn dilyn ymosodiad rhywiol difrifol ar ferch 16 oed yn oriau man y bore 1 Ionawr.
Ymosodwyd ar y ferch wrth iddi gerdded o glwb nos The Venue i dŷ cyfaill yn Llandrindod.
Mae’r heddlu yn chwilio am ddyn gwyn, 5’9-5’10’, yn ei 20au â gên sgwâr ac acen Saesneg.
“Rydw i’n apelio ar unrhyw un oedd yn ardal North Avenue Llandrindod rhwng 3.30am a 3.45am ar 1 Ionawr 2011 i gysylltu â swyddfa heddlu Llandrindod,” meddai’r Ditectif Arolygydd Owain Richards.
Mae’r ferch yn derbyn gofal a chefnogaeth arbenigol.
