Mae’r actor comedi Leslie Nielsen, oedd yn enwog am chwarae rhan y doctor yn Airplane! a’r ditectif yn Naked Gun, wedi marw yn 84 oed.
Dywedodd ei asiant, John Kelly, fod Leslie Nielsen wedi marw ddoe mewn ysbyty ger ei gartref yn Fort. Lauderdale, Florida. Roedd o’n derbyn triniaeth am niwmonia.
Roedd ei fam Mabel Elizabeth (Davies gynt) yn dod o Gymru yn wreiddiol a wedi mynd i fyw yng Nghanada ar ôl cyfnod yn Llundain. Roedd ei dad Ingvard Eversen Nielsen yn dod o Ddenmarc.
Dechreuodd ei yrfa mewn ffilmiau difrifol, ond ar ôl ymddangos yn Airplane! yn 1980 daeth yn fwy poblogaidd am ei ddawn comedi.
Treuliodd weddil ei yrfa ar ôl y ffilm hwnnw yn ymddangos mewn ffilmiau gomedi gan gynnwys The Naked Gun, The Naked Gun 2 1/2 a The Naked Gun 33 1/3.
Priododd Leslie Nielsen tair gwaith a mae’n gadael dwy ferch, Thea a Maurah.
