Fe fydd cyn Aelod Seneddol Maldwyn, Lembit Opik, yn ymddangos ar gyfres I’m a Celebrity… fydd yn dechrau dydd Sul.
Mae’n dilyn yn ôl traed ei gyn ddyweddi, Sian Lloyd, sydd eisoes wedi ymddangos ar I’m a Celebrity… yn 2003.
Dywedodd Lembit Opik, sy’n gobeithio cymryd rhan yn yr etholiad ar gyfer Maer Llundain yn 2012, y bydd o’n methu pen-blwydd ei fam yn 70 oed drwy ymddangos ar y rhaglen.
“Rydw i wedi paratoi ar gyfer mynd i’r jyngl drwy dreulio amser yn Nhŷ’r Cyffredin – sydd fel jyngl heb y coed!” meddai.
Ymysg y ‘celebs’ honedig eraill mae Linford Christie, Britt Ekland, Gillian McKeith, Stacey Solomon, a Sheryl Gascoigne.
