Mae disgwyl i Sam Warburton fethu gweddill cyfres yr hydref ar ôl dioddef anaf i’w goes.
Fe gychwynnodd blaenasgellwr y Gleision dros Gymru yn erbyn Awstralia ddydd Sadwrn diwethaf, ond ni fydd ar gael i herio De Affrica, Fiji na Seland Newydd.
Mae disgwyl i Martyn Williams, a oedd ar y fainc yn erbyn y Wallabies, i ddechrau yn y rheng ôl yn erbyn y Springboks.
Ond roedd hwb i obeithion Cymru hefyd gyda’r newyddion bod Ryan Jones a Lee Byrne wedi dychwelyd i gymryd rhan mewn ymarferion.
Mae’r ddau wedi gwella o anafiadau oedd wedi eu cadw ar yr ystlys yn erbyn Awstralia, ac mae disgwyl iddynt gymryd rhan yn y gêm ddydd Sadwrn.
