Mae Abertawe wedi arwyddo asgellwr Middlesborough, Marvin Emnes, ar gytundeb benthyg mis o hyd.
Mae cyn chwaraewr dan 21 yr Iseldiroedd yn gallu chwarae ar y naill asgell neu’r llall neu fel ymosodwr.
Mae eisoes wedi ymarfer gyda’r Elyrch ac fe allai gael ei gynnwys yn y tîm i chwarae yn erbyn QPR nos yfory.
Emnes – y cefndir
Fe ymunodd Emnes gyda Middlesborough o glwb Sparta am £3.2m ar ôl perfformiadau addawol iawn ym mhrif gynghrair yr Iseldiroedd.
Fe chwaraeodd yr Iseldirwr 15 o weithiau yn yr Uwch Gynghrair yn ystod tymor 2008/9 cyn gwneud 12 ymddangosiad yn y Bencampwriaeth y tymor diwethaf gan sgorio yn erbyn Abertawe ym muddugoliaeth Middlesborough o 3-0 yn Stadiwm Liberty.
Ond methodd Marvin Emnes ag ennill ei le yng ngharfan Gordon Strachan y tymor hwn ac mae’n awyddus i gael chwarae’n gyson er mwyn aildanio ei yrfa.
Llun: Marvin Emnes (Ytoyoda CCA 2.0)
