Chwilio am Rhodri: ‘Dod o hyd i gorff’

Mae’r heddlu sy’n chwilio am Rhodri Owen, 17, o Dreforgan, Caerdydd wedi dod o hyd i gorff yn y rhan yna o’r ddinas.

Cysylltodd aelod o staff cware Ffynnon Taf gyda’r heddlu toc wedi 8.30am bore ma.

Dyw’r heddlu heb adnabod y corff eto. Dydyn nhw ddim yn credu fod yr amgylchiadau yn ddrwgdybus.

Mae rhieni Rhodri wedi cael gwybod.

Does neb wedi gweld y llanc sy’n ddisgybl yn Ysgol Gyfun Radyr ers iddo adael ei gartref yn Heol y Cwm, Treforgan er mwyn ymweld â cyfaill am 5pm dydd Gwener.

Rhyddhaodd ei rieni Richard a Liz Owen ddatganiad ddoe yn gofyn iddo ddod adref os oedd o’n gweld eu neges.

Poblogaidd

Swyddi

Tinopolis

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

Cymru

Graddau i gael eu gosod ar sail asesiad athrawon

Mae’r Gweinidog Addysg, Kirsty Williams wedi cyhoeddi y bydd graddau disgyblion yn cael eu gosod ar sail amcangyfrifon athrawon.

Stori nesaf →

Archif

Ehangu ffatri laeth yn hwb i ffermwyr Cymru

Llaeth o Gymru ‘yn boblogaidd’ meddai’r cwmni

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Chwilio am Rhodri: ‘Dod o hyd i gorff’

Heddlu sy’n chwilio am lanc o Gaerdydd yn dod o hyd i gorff yn Nhreforgan

Poblogaidd

Swyddi

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd