Mae hen ddyn wedi marw ar ôl gwrthdrawiad rhwng ei sgwter symud a char Renault Clio.
Digwyddodd y gwrthdrawiad ar Stryd y Fynwent, Aberdâr tua 12pm ddoe. Roedd rhaid cau’r ffordd am gyfnod wrth i’r heddlu ymchwilio.
Fe fu farw’r dyn 83 oed, oedd o ardal Aberdâr, yn Ysbyty Athrofaol Cymru, Caerdydd ar ôl i’r Ambiwlans Awyr fynd ag ef yno.
Cafodd gyrrwr 19 oed y Renault Clio, oedd hefyd o ardal Aberdâr, ei arestio a’i gwestiynu cyn cael ei ryddhau ar fechnïaeth.
Mae Heddlu De Cymru yn apelio am lygaid dystion, gan gynnwys unrhyw un wnaeth atal er mwyn helpu neu unrhyw un welodd y cerbydau yn cael eu gyrru cyn y ddamwain.
Dylai unrhyw un sydd â gwybodaeth ffonio 029 20571600.
