Tref Aberystwyth 1 Castell-nedd 1
Llwyddodd Castell-nedd i sicrhau gêm gyfartal yn Aberystwyth heddiw, er iddyn nhw orfod chwarae efo dim ond 10 dyn am dros 45 munud.
Roedd y gêm yn ddi-sgor pan gafodd Paul Cochlin ei anfon i ffwrdd am drosedd yn erbyn Luke Sherbon tua phum munud o’r egwyl, ond fe lwyddodd yr ymwelwyr i barhau i bwyso ac i amddiffyn yn dda yn erbyn Tref Aberystwyth.
Sgoriodd y tîm cartref ar ôl tuag awr o chwarae, wrth i Luke Sherbon ganfod cefn y rhwyd.
Ond er eu hanfantais, parhaodd Castell-nedd i chwarae’n gryf, ac ar ôl 73 munud, sgoriodd Chris Jones gôl ardderchog i’r ymwelwyr.
Gorffennodd y gêm yn gyfartal, er i’r ddau dîm gael cyfle i ennill, wrth i Luke Sherbon daro’r postyn i Dref Aberystwyth ac wrth i Lee Trundle ddod yn agos dros Gastell-nedd.
Llun: Logo Tref Aberystwyth
