Dim dyrchafiad i Forgannwg

Mae Morgannwg wedi colli’r cyfle i gael dyrchafiad i Adran Gyntaf Pencampwriaeth y Siroedd ar ôl gêm gyfartal yn erbyn Swydd Derby yn Stadiwm SWALEC.

Roedd y pwysau ar y Dreigiau, a oedd yn ail, ar ôl Worcestershire, a oedd yn drydydd yn yr adran ar ddechrau’r chwarae, guro Sussex o bedair wiced gartref yng Nghaerwrangon.

Roedd tîm Matthew Maynard wedi gosod targed o 160 i Swydd Derby yn eu hail fatiad oddi ar o leia’ 37 pelawd.

Fe sgoriodd y Saeson 123-5 oddi ar 41.5 pelawd i sicrhau gêm gyfartal ac atal Morgannwg rhag dychwelyd i’r adran gyntaf. Ar y diwedd, roedden nhw bum pwynt y tu ôl i Swydd Caerwrangon.

Poblogaidd

Swyddi

Tinopolis

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

Cymru

Cymdeithas yr Iaith am fynnu “Mwy na Miliwn”

Bydd y mudiad iaith yn lansio dogfen â’u gweledigaeth ddydd Llun nesa’

Stori nesaf →

Archif

Sganiwr newydd yn gwella gofal canser ‘i gannoedd’ yng Nghymru

Peiriant sydd â’r gallu i ddod o hyd i ganser milimetrau o faint

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Dim dyrchafiad i Forgannwg

Colli’r cyfle i guro Swydd Derby

Poblogaidd

Swyddi

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd