Prestatyn 1-1 Castell-nedd
Fe fydd Prestatyn ychydig yn siomedig gyda phwynt ar ôl gêm gyfartal yn erbyn Castell-nedd ar Ffordd Bastion.
Fe gafodd y tîm cartref dechrau perffaith i’r gêm gyda Lee Hunt yn sgorio wedi chwe munud.
Fe sgoriodd Prestatyn wrth i olwr Castell-nedd, Craig Morris geisio clirio’r bêl o dan bwysau gan Steve Rogers ar ymyl y cwrt cosbi, ond fe ddisgynnodd y bêl i Hunt.
Fe darodd ymosodwr Prestatyn y bêl o 30 medr i ganfod cefn y rhwyd a rhoi’r tîm cartref ar y blaen.
Fe allai Prestatyn fod wedi dyblu eu mantais wedi chwarter awr ond fe arbedodd Morris yn dda i atal Rogers rhag sgorio. Fe darodd Chris Davies y trawst wrth i’r tîm cartref parhau i bwyso.
Ond gydag ugain munud o’r gêm yn weddill fe sgoriodd Chris Jones i unioni’r sgôr i’r ymwelwyr. Roedd amddiffynnwr Prestatyn, Paul O’Neill wedi clirio’r bêl gyda pheniad cyn i Jones daro foli ar ymyl y cwrt cosbi i sgorio.
Ond fe allai golwr Prestatyn, Jon Hill-Dunt fod wedi gwneud yn well i atal ymdrech Jones rhag canfod cefn y rhwyd.
