Yr Eidal dan 21 1 Cymru dan 21 0
Fe gollodd tîm dan 21 Cymru’r cyfle i sicrhau lle yn rowndiau terfynol Pencampwriaeth Ewrop.
Roedd un gôl gan Mattia Mustacchio ar ôl 14 munud yn ddigon i roi’r fuddugoliaeth i’r Eidal yn y gêm i benderfynu enillwyr y grŵp.
Mae hynny’n golygu fod yr Eidal wedi neidio tros ben Cymru i’r brig ac ennill lle yn y rowndiau terfynol.
Fe fyddai wedi bod angen canlyniadau rhyfeddol yn y grwpiau eraill i roi lle i Gymru ymhlith y collwyr gorau.
Mae’n ddiwedd ar ymgyrch ardderchog i chwaraewyr Brian Flynn gyda nifer o’r chwaraewyr gorau wedi symud ymlaen i brif dîm Cymru.
Llun: Brian Flynn – siom wedi ymgyrch dda
