Capten Morgannwg yn un o’r Dreigiau

Mae capten Morgannwg, Jamie Darlymple wedi cael ei ddewis yng ngharfan 14 dyn y Dreigiau ar gyfer gêm Pencampwriaeth y Siroedd yn erbyn Surrey fory.

Fe fethodd y capten y gêm gyfartal yn erbyn Sussex ar ôl iddo dorri ei fys yn erbyn Middlesex.

Ond mae Darlymple yn ôl ar gyfer y gêm olaf-ond-un wrth i Forgannwg dargedu dyrchafiad i’r Adran Gyntaf y tymor nesa’.

Pe bai rhai canlyniadau yn mynd eu ffordd nhw, fe allai Morgannwg sicrhau dyrchafiad gyda gêm yn weddill.

Ond fe fyddai’n rhaid i’r Dreigiau sicrhau buddugoliaeth dda yn erbyn Surrey yn The Oval yn ogystal â Swydd Caerwrangon yn colli i Middlesex a Swydd Caerloyw yn colli yn erbyn Swydd Caerlŷr.

Fe fydd Morgannwg yn awyddus i ail adrodd eu perfformiad gwych yn The Oval llynedd lle sgoriwyd 702/8. Fe sgoriodd pedwar chwaraewr Morgannwg cant yn ystod y batiad a sicrhaodd ail sgôr uchaf yn hanes y clwb.

Carfan Morgannwg

Gareth Rees, Mark Cosgorve William Bragg Tom Maynard Ben Wright, Jamie Darlymple, Jim Allenby, Mark Wallace, James Harris, Robert Croft, Dean Cosker David Harrison, Huw Waters, William Owen.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

← Stori flaenorol

golwg+

Cerddoriaeth

Y llais “syfrdanol” sy’n swyno

Lleuwen, Angharad Jenkins Calan, Lisa Angharad Sorela, a Siân James – Maen nhw i gyd yn canmol albym cynta’ Mared Williams

Stori nesaf →

Archif

Hartson eisiau swydd Cymru

Y cyn flaenwr yn barod i gymryd lle John Toshack

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Capten Morgannwg yn un o’r Dreigiau

Jamie Dalrymple i wynebu Surrey fory

Poblogaidd

← Stori flaenorol

Stori nesaf →

Hefyd →