Mae o leia’ 17 o bobol wedi eu lladd mewn ymosodiad gan hunan-fomiwr yng ngogledd-orllewin Pacistan.
Yn ôl heddlu lleol, roedd naw o blismyn a phedwar o blant ymhlith y cyrff ar ôl yr ymosodiad ar swyddfa heddlu.
Mae niferoedd y meirw wedi codi ers yr adroddiadau cynta’ am yr ymosodiad yn ninas Lakki Marwat yn ardal Khyber Pakhtunkhwa lle mae gweithwyr diogelwch yn chwilio trwy weddillion yr adeilad.
Llun: Map o ogledd-orllewin Pacistan gydag ardal Lakki Marwat mewn melyn (paharisahib-TrwyddedGNU)
